தமிழர் புலனாய்வு நாயகன் - நூல் வெளியீடு

 தமிழர் புலனாய்வு நாயகன் பொட்டு அம்மான் 

எழுத்தும் பேச்சும் 

கடந்த 10.11.2024 ஞாயிற்றுக்கிழமை சுவிற்சர்லாந்தின் பாசல் மாநிலத்தில் சுவிஸ் ஆவணக் காப்பகம் தமிழர் புலனாய்வு நாயகன் பொ_ட்_டுஅம்மான் அவர்களின் எழுத்தும் பேச்சும் என்ற நூலை அறிமுகம் செய்து வைத்திருந்தது.  

இந்த நூலை தமிழகத்தில் வாழும் திரு. மே. வி. குமார் அவர்கள் தொகுத்திருந்தார்.

குறுகிய நேர அட்டவணைக்குள் மட்டுப்படுத்தப்பட்டு நடைபெற்ற இந்நிகழ்வு மாலை 15:00 மணிக்கு ஆரம்பித்து 18:00 மணியளவில் நிறைவு கண்டது.

நிகழ்வினை இணுவையூர் மயூரன் அவர்கள் தொகுத்து வழங்கியிருந்தார்.

விழாச் சுடரினை பாசல் இந்து ஆலயத்தின் பிரதமகுரு சிவஶ்ரீ சந்தான கிருஷ்ணக்குருக்களும்,

திருமதி குருபரன் வதனகுமாரி பாசல் தமிழ்மன்றம் ஆசிரியர்.

திரு. தர்மலிங்கம் சுதர்னன் அமுதசுரபி தமிழர் ஒன்றியம்.

திரு அரசரத்தினம் திருநாவுக்கரசு தமிழ் நீலப்பறவைகள்  விளையாட்டுக்கழகம்.

திரு. அமரதாஸ் ஆவணப் படப்பிடிப்பாளர். ஆகியோர் ஏற்றி வைத்திருந்தனர்.

மா வீரர்களுக்கான ஈகைச் சுடரினை திரு இரத்தினம் சிவசேகரன்  அவர்கள் ஏற்றி வைத்தார்.

வரவேற்புரையினை செல்வி தர்சிகா தர்மகுலசிங்கம் அவர்களும்,

ஆசியுரையினை  அருள்மிகு இந்து ஆலய பிரதமகுரு சிவ சிறீ  சிவசந்தான  கிருஸ்ணக் குருக்களும் ஆற்றியிருந்தார்கள்.

நூல் அறிமுகம் மற்றும் வெளியீட்டுரையினையும் ஆவணக்காப்பகத்தின் செயற்திட்டங்கள் தொடர்பான உரையினையும்  தமிழர் ஆவணக்காப்பகம் சுவிற்சர்லாந்தின் ஒருங்கிணைப்பாளர் திரு மகாலிங்கம் முருகன் ஆற்றியிருந்தார்.

தொடர்ந்து கலாநிகேதன் நடனாலய மாணவிகள்

ச. பொட்டு அம்மான் இயற்றிய வெஞ்சமர் கொல்லாத புலியானவன் என்ற பாடலைக்கு எழுச்சி நடனமொன்றை வழங்கியிருந்தார்கள்.

எழுச்சி நடனத்தைத் தொடர்ந்து நூல் வெளியீடு இடம்பெற்றது. 

முதற்பிரதியினை தமிழர் ஆவணக்காப்பகம் சுவிற்சர்லாந்தின் ஒருங்கிணைப்பாளர் திரு மகாலிங்கம் முருகன் வெளியிட்டு வைக்க தர்மேந்திரா கலையக போராளிக்கலைஞர் திரு மகாதேவன் கிருபாகரன் பெற்றுக்கொண்டார்.

சிறப்புப் பிரதிகளை 

சிவ சிறீ   சிவ சந்தான  கிருஸ்ணகுமார குருக்கள்- அருள்மிகு இந்து ஆலய பிரதமகுரு

திரு இரத்தனம் சிவசேகரன் சேகர் பதிப்பகம்

திரு செல்வராசா கண்ணதாசன்.

திரு சின்னத்தம்பி குகதாசன் பாசல் தமிழ்மன்றம்

திரு குமாரசண்முகம் செல்வமோகன் ஆகியோர் பெற்றுக்கொண்டார்கள்.

அதனைத் தொடர்ந்து சிறு சிற்றுண்டி இடைவேளை.

இடைவேளை நிறைவடைய ஊடகவியலாளர்  திரு. கனகரவி  நூல் பற்றிய மதீப்பீட்டுரையினை வழங்கியிருந்தார். 

அவர் தனது மதிப்பீட்டுரையில் நூலின் உள்ளார்ந்த விடயங்கள் பற்றியும் தியாகங்கள் பற்றியும் சிலாகித்துப் பேசியிருந்தார்.  பெயரோ புகழோ் எதிர்பாராது மறைமுக போராளிகளாய்  உயிர்க்கொடை தந்தவர்களின் ஈகங்களை மறந்து  இன்று நாம் என்ன செய்து கொண்டிருக்கின்றோம் என்ற கேள்வியை முன் வைத்திருந்தார்.

மதிப்பீட்டுரையினைத் தொடர்ந்து விடுதலைப் பற்றாளர் திரு. நிவேதன் நந்தகுமார் புலனாய்வு மற்றும் தமிழர் தேசத்தின் அவசியம் புலம்பெயர் தேசங்களிலுள்ள மறைமுக இனப்பாகுபாடு சார்நது உரையொன்றினை நிகழ்த்தியிருந்தார்.

திரு்  அருளானந்தம் துஷ்யந்தன் அவர்களின் நன்றியுரையுடன் நிகழ்வு நிறைவு பெற்றது.

 இணுவையூர் மயூரன்

14.11.2024

வாய்ப்பாட்டு இசை அரங்கேற்றம்

 கலாநிகேதன் நடனாலய அதிபர் திருமதி. கிருஸ்ணபவானி சிறீதரன், திரு. தங்கராஜா சிறீதரன் தம்பதிகளின் புதல்வனும் சங்கீதாலய நிறுவுநர் “இசைக்கலைமணி” திரு.செகசோதி ஆறுமுகம் “கலை வித்தகர்” திரு.நீருஜன் செகசோதி ஆகியோரின் மாணவனுமான செல்வன் சிறீதரன் ஹரீஷ் அவர்களின் வாய்ப்பாட்டு அரங்கேற்றம் கடந்த 05.10.2024 அன்று சுவிற்சர்லாந்தின் பாசல் மாநிலத்தில் வெகு சிறப்பாக நடைபெற்றது.

பொதுச் சுடரினை திரு.குலம் அவர்களும் மங்கல விளக்கினை சுவிற்சர்லாந்தின் கலை ஆசிரியர்களும் ஹரீஷ் அவர்களின் வளர்ச்சியில் வழிகாட்டிகளாக திகழ்ந்தோரும் ஏற்றிவைத்து சிறப்பாக ஆரம்பித்து வைத்தனர்.

நிகழ்வின் பிரதம நிகழ்ச்சித் தொகுப்பாளராக இணுவையூர் மயூரன் அவர்களும் இணை நிகழ்ச்சித் தொகுப்பாளர்களாக இசைகலைமணி, இசைக்குயில் செல்வி அஜானா தயானந்தன் மற்றும் திருமதி அனீனா மதிவண்ணன் ஆகியோரும் தொகுத்து வழங்கினர். பிரதமவிருந்தினராக “சங்கீத வித்துவான்” பராசக்தி விநாயக தேவராசா சக்தி சங்கீதா அக்கடமி,கனடா அவர்களும்
சிறப்பு விருந்தினராக “நவயுக நந்தி” Dr.பத்திரி சதீஸ் குமார் அவர்களும் கலந்து சிறப்பித்தனர்.

வரவேற்புரையினை ஹரீஷ் அவர்களின் தாயாரும் நடன ஆசியருமான
திருமதி. கிருஷ்ணபவானி சிறீதரன் அவர்கள் திகழ்த்தினார். ஆசியுரைகளை சுவிற்சர்லாந்து பாசல் மாநிலத்தின் இந்து ஆலய பிரதம குரு சிவஶ்ரீ சந்தானக்கிருஷ்ணக் குருக்கள் அவர்களும் சுவிற்சர்லாந்தின் ஆரம்பகால குருவான சிவஶ்ரீ பாலா கிருஷ்ணகுமாரக் குருக்கள் அவர்களும் வழங்கியிருந்தனர்.

அணிசேர் கலைஞர்களாக
* வயலின் –
கலைவித்தகர்
திரு.நீருஜன் செகசோதி

* மிருதங்கம் –
மிருதங்க வித்துவான்
Dr.பத்திரி சதீஸ் குமார்

* கடம் –
வித்துவான்
R.N.பிரகாஷ்

* தம்புரா –
கலைவித்தகர்
சயந்தவி கேதீஸ்வரன்
மதுவந் மகேஸ்வரன்
யதீஸ்வரந் மகேஸ்வரன்

ஆகியோர் பங்கேற்று ஹரீஷ் அவர்களின் ஒவ்வொரு உருப்படிகளுக்கும் மெருகூட்டியிருந்தனர்.

புலம்பெயர் தேசங்களில் இளைய தலைமுறையினர் பல்வேறு நெருக்கடிகளுக்கு மத்தியிலும் கலை கலாச்சாரம் என்பவற்றை வேறு கலாச்சார முறைகளுக்குள் சிதைந்துபோக விடாது எமது கலாச்சாரத் தனித்துவத்தோடு பேணிப் பாதுகாத்து வருகின்றமை பெரிதும் போற்றுதலுக்குரியதாகும். அவ்வாறான இளைய தலைமுறையினருள் பெற்றோரின் விடா முயற்சியாலும் குருவானவர்களின் அதீத பயிற்றுவிப்பாலும் அரங்கேற்ற நாளில் தொடக்கம் முதல் முடிவு வரை நிகழ்வரங்கையும் வருகை தந்த இரசிகர் குழாமையும் தன்பால் ஈர்த்துவைத்திருந்தார் செல்வன் சிறீதரன் ஹரீஷ் அவர்கள்.

“இசையே நம் உலகின் முதன்மையே அகவிம்பம் காட்டும் ஒலியே” என்ற தோடி இராகம் பஞ்சமுகி திஸ்ரதிரிபுடை தாள பல்லவியை தானே இயற்றி அரங்கத்தில் பாடி இசை இரசிகர்களையும் ஆர்வலர்களையும் வியப்பில் ஆழ்த்தினார். இது இவரது இசைப் பயணத்தின் வீரியத்தை மேலும் முரசறைந்து நின்றது.

வாணி சரஸ்வதியின் கலை அருளும், திருவருள்கடாட்சமும், பரந்த இசைஞானமும் இருந்தால் மட்டுமே இவ் இசைக்கலை கைகூடும். இந்நிகழ்வில் பெற்றோரையும் குருவானவர்களையும் மகிழ்வித்து தன் இசை அரங்கேற்றத்தை இனிதே நிறைவு செய்தார் ஹரீஷ்.

பிரதம விருந்தினர், சிறப்பு விருந்தினர் உரைகளைத் தொடர்ந்து அணிசேர் கலைஞர்கள் மற்றும் இசை ஆசிரியர்கள் மதிப்பளிப்பு நடைபெற்றது. நிகழ்வின் நன்றியுரையினை ஹரீஷ் அவர்களின் சகோகரி காயத்திரி சிறீதரன் அவர்கள் வழங்கியிருந்தார்.

இந்நிகழ்வில் பெருந்திரளான கலை இலக்கிய ஆர்வலர்கள், இசை இரசிகர்கள், சக இசைக் கலைஞர்கள், உறவினர்கள், நண்பர்கள் என பெருந்திரளானோர் கலந்து கொண்டு சிறப்பித்தனர்.

நன்றி: து.திலக் கிரி யாழ் உரும்பையூர் மற்றும் வீரகேசரி 

நிகழ்ச்சித் தொகுப்பைச் செய்யும் வாய்பைத் தந்த பவானி அன்ரி பாபு மாமாவுக்கு நன்றி சொல்வது தாய்ப்பாலைக் குடித்துவிட்டு வாயைத் துடைத்துக்கொண்டு தாய்க்கு குழந்தை நன்றி சொல்லும் செயலுக்கு ஒப்பானது.

இன்று சுமார் 30 ஆண்டுகளுக்கு முன் 1995 இல் கலாநிகேதன் நடனாலயத்தின் “நாட்டியாஞ்சலி” எனும் சுவிற்சர்லாந்தின் முதலாவது முழுநேர நாட்டிய நிகழ்வில் நடனாலயம் சார்பான நன்றியுரையை வழங்கும் வாய்ப்பை 15 வயதுப் பெடியான என்னை நம்பித் தந்து நம்பிக்கையூட்டியவர். 

இந்த அன்பும் ஆசிகளும் என்றும் தொடர வேண்டுகின்றேன். 

அன்புடன்

இணுவையூர் மயூரன்

அமரன்

 அமரன் திரைப்படைத்தையும் இராணுவ வீரனின் கடமை உணர்வையும் காதலையும் எம்மவர்கள் சிலரும் ஆங்காங்கே கொண்டாடித் தீர்ப்பதை காண முடிகின்றது.

ஊதியம் பெற்று தேசக் கடமையாற்றும் இராணுவ வீரர் முன் தேசத்துக்காய் எந்த ஒரு எதிர்பார்ப்பு மற்று தங்கள் உயிரை தந்த பல்லாயிரம் போராளிகளின் கதை இரத்தமும் சதையுமாய் எங்கள் கண் முன்னே உள்ளது.

தங்கள் காதலன் கணவன் போர்க்களத்தில் என்பதை அறிந்து தாமும் தம் துணையின் இலட்சியத்துக்காக தாமும் போராளிகளாகி களம் சென்ற கதைகளுண்டு.

உண்மைக் கதைகளாக பல பதிவாக்கப்பட்டுள்ளன.

படைப்பாளி வெற்றிச் செல்வியின் “போராளியின் காதலி”படைப்பாளி லதா உதயனின் “அக்கினிச் சிறகுகள்”

போரையும் போராளிகளின் காதலையும் பேசும் இரு போராளிகளின் உண்மைக்கதைகள்.

*எங்கள் ஊருக்குள் நடந்த முதற்சண்டை.

*நான் நினைவு தெரிந்து கண்ட முதற் கொலை.

*முதல் இடப்பெயர்வு.

*இரவுகளில் நின்மதி அற்ற தூக்கம். 

*எங்கள் நெருங்கிய உறவுகளுக்குள் பல இழப்புகள்

  என் வயதை ஒத்த பலர் கொல்லப்பட்டும் காயப்பட்டும்.

*யாழ் மருத்துவமனை படுகொலை. அதற்குள் இருந்து தப்பித்து இன்றும் நேரடிச் சாட்சிகளாய் இருக்கும் என் மாமாவும் மச்சான்மாரும்.

*அச்சமூட்டும் பள்ளிக்கும் வீட்டுக்கும் இடையேயான பயணவழி. 8-9 வயதான எங்களைக் கூட மறித்து வைத்து பாடு ஆடு முழங்காலில் நில் என மிரட்டும் சீருடை.

இவை அத்தனையும் பசுமரத்தாணிபோல் பதிந்து இன்றும் பல இரவுகளில் அச்சமூட்டிப் போகும்.  இந்திய இராணுவ பிரதாபங்களை் கொண்டாடக் கூடிய மனநிலையில் நான் இல்லை.

இணுவையூர் மயூரன்

05.11.2024