சாதீ

அழிக்கப்பட வேண்டிய விடயம்
ஆவணப்படுத்தப்படுகின்றது
ஒழிக்கப்பட வேண்டிய விடயம்
ஊதி பெருசாக்கப்படுகின்றது
தேவை இதுதான் என்று திடமாய்
தீர்மானமாய் திணிக்கப்படுகின்றது
கண்களின் முன்னே திரையிடப்பட்டு
காட்சிகள் நகர்த்தப்படுகிறன
திரைக்கு பின்னே என்ன
தெரிந்தும் தெரிய விரும்பாதவராய்
முதுகுப் புண்ணை சொறிந்து
சொறிந்து சிற்றின்பம் காண்கிறோம்
அரிப்பு அகலப்படும்
அது அடுத்த சந்ததியையும்
காவுகொள்ளும்
அறியாத மூடர்களா நாம்
எவனோ ஆட்டுவிக்கின்றான்
ஆடிக்கொண்டிருக்கின்றோம்
முடிவு எதுவென்று
முழுதாய் தெரிந்த பின்னும்
அற்ப சுகங்களுக்காய்
புசத்திக் கொள்கின்றோம்
தெளிவு பெறாத வரை
தீர்வு இல்லை.

#ஈழத்துப்பித்தன்
04.09.2017