இங்கு காரிய விசருகள்
கனக்க உலாவுது
எட்டியும் உதைக்கேலாது
கட்டியும் பிடிக்கேலாது
கவனமாகத்தான் கையாள வேணும்.
காரிய விசருகள்
கனவேலை செய்யுங்கள்
கூரிய கத்திபோல் அதுகளை
கையாள வேணும்
நேரிய பார்வையோடு
இதுகளை நெருங்கவும் முடியாது
நாகு கண்ட காளைபோல்
தலையாட்டியாட்டி நின்றே
காரியம் பார்த்திடுங்கள்
காரியம் முடிந்ததும்
கூரிய கத்தி கொண்டு
நெஞ்சினில் பாய்ச்சிடுங்கள்
நம்பினால் நட்டாற்றில்
விட்டிடுங்கள்
எதிர்பாரா வேளையில்
மாடியிலிருந்து பிடித்துத்
தள்ளுவது போல்
பொறுத்த நேரத்திலே
மனத்தை உடைத்திடும்
வேலையும் பார்த்திடுவார்
இங்கு
காரிய விசருகள் இங்க
கனக்க உலாவுது...
கவனமாகத்தான்
கையாளவேணும்...
#ஈழத்துப்பித்தன்
16.07.2020
No comments:
Post a Comment
தேடி வந்தோரே தங்கள் கருத்துக்களையும் நாடி நிற்கின்றேன்.